نخلة البرحي للشاعر عريان السيد خلف

**MuShRuQ_AlHaNeEn** الثلاثاء سبتمبر 20, 2011 3:19 pm

السلام عليكم
حبايب كلبي
اليوم جايبلكم قصيدة لشاعر العراق
عريان السيد خلف

نبدي باللة الصلاة على محمد وال محمد

عسنك ياحبيبي ابعافيه وخير

*
وعسى حلمك حقيقه اواقع يصير

*
وعسى شعبك سعيد يعيش ألافراح

*
ويوسف...مايظل أبلجة ألبير

*
كفاني الكا ك رايه أعله ألمقرات

*
واشوفك لافته شماعيني تدور

*
ياكمرة عافيه وشعت على الناس

*
غنت بيك ... موال النواطير

*
أنا الطفل السكيته محبة الناس

*
وكبر بيدك...مثل تالة نواعير

*
وعلمته ألادب والطيب والعيب

*
وعلمته الزهو بوجه الشواجير

*
المناصب والرتب والاعتبارات

*
ضعيف النفس بس البيهن يحير

*
إليه ابكل كلب مهموم ...تذكار

*
وكلماتي اصبحت مثل المناشير

*
إذا أمر بدرب...تتزاحم ألناس

*
عليه...ويتعب ألياخذ تصاوير

*
وحكك...لاغرور ولامزادات

*
ولكن...كل حقيقه تريد تبرير

*
انا نخله البرحي الرفضت تطيح

*
وعشتك كاع ماعشتك تصاوير

*
وربيت ابدهلتك وأنهارك تفور

*
دم....دمع وتطول المشاوير

*
الصكور بكل عزمها تواكح الريح

*
وتهج با لعاصفه صفوف العصافير

*
وانا بحلكي المراره وساعة الضيج

*
قوافيي الوزن...بس تنده تغير

*
أخاف يظن بعظهم شالني الغيظ

*
ويحسبون العتب وياك تقصير

*
عشت ليل المحن ويل وعذابات ولادورت بالشده...ألمعاذير

*
الج باسمك لجيج ألطير للطير...وانا المصلوب بجفوني ألمسامير

*
يلي بتضحياتك عرف الناس...ألمبادي للبشر مو للخنازير